Бугунги кунда Автомобиль йўллари қўмитаси томонидан Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда давлат-хусусий шериклик асосида халқаро магистраллар бўйида намунавий йўл бўйи инфратузилмаси мажмуаларини (“Service point” ва “Service area”) ташкил этиш ишлари олиб борилмоқда.

 “Service point” – автомобилларга ёқилғи қуйиш ҳамда электромобилларни қувватлантириш станциялари, умумий овқатланиш объектлари, дўконлар, техник сервис пунктлари, санитария-гигиена шоҳобчаларини;

 “Service area” – “Service point” объектлари, ТИР парк, мотеллар, автомобилларни ювиш шоҳобчалари ва wi-fi нуқталарини қамраб олади.

 Йўл бўйи инфратузилмаси мажмуалари (“Service point” ва “Service area”) давлат-хусусий шериклик асосида халқаро магистраллар бўйида жойлаштирилади.

 Ҳозирда “Service area” ва “Service point” объектлари мажмуаларига қўйиладиган талаблар ҳамда уларни жойлаштиришнинг мастер-режаси лойиҳаси ишлаб чиқилган.

 Шунингдек, ҳудудларда йўл бўйи инфратузилмаси мажмуалари жойлаштириладиган автомобиль йўллари танланиб, 70 тадан ортиқ координаталар аниқланган.

Ҳурматли тадбиркорлар ва хусусий сектор вакиллари!

   Автомобиль йўллари қўмитаси Сизларни давлат-хусусий шериклик асосида халқаро магистраллар бўйида намунавий йўл бўйи инфратузилмаси мажмуаларини (“Service point” ва “Service area”) ташкил этиш лойиҳаларини амалга ошириш бўйича ҳамкорликка таклиф этади.

   Ўзингизни қизиқтирган барча саволлар бўйича қуйидаги рақамга мурожаат этишингиз мумкин:

   Масъул шахслар: Ф. Қулжонов, Ш. Болтаев

   Тел.: (+998) 71 207 67 68 (ички 126)

   Email: info@uzavtoyul.uz